Red hibiscus is equal to gold in telugu

 

ఎర్ర మందారం బంగారంతో సమానం..! ఎందుకో తెలిస్తే వెంటనే పరిగెడతారు..

మందారతో గుండె ఆరోగ్యానికి మాత్రమే కాకుండా రక్తపోటు, కొలెస్ట్రాల్, మైగ్రేన్లు, మొటిమలు, అసిడిటీ, అల్సర్లు, పైల్స్, నిద్రలేమి, మూత్రనాళ ఇన్ఫెక్షన్లు, రక్తస్రావం సమస్యలను నియంత్రించడంలో సహాయపడుతుంది. మందార పువ్వులు శారీరక ఆరోగ్యాన్ని కాపాడటమే కాకుండా చర్మ సౌందర్యానికి, జుట్టు పెరుగుదలకు తోడ్పడతాయి. మందార పువ్వులను మనం రోజూ ఆహారంలో తీసుకుంటే అద్భుత ఫలితాలను పొందవచ్చునని నిపుణులు చెబుతున్నారు.

Hibiscus: ఎన్ని రంగులున్నా.. ఎర్ర మందారం బంగారంతో సమానం..! ఎందుకో తెలిస్తే వెంటనే పరిగెడతారు..

మందారం.. అందానికి, ఆరోగ్యానికి ఎంతో మేలు చేస్తుందని ఇప్పటికే అనేక అధ్యయనాలు చెబుతున్నాయి. మందార ఆకులను, పువ్వులను ఆయుర్వేదంలో కొన్ని రకాల వైద్య నివారణ కోసం ఉపయోగిస్తారు. కొన్ని దేశాలలో మందార ఆకులు పువ్వులతో వంటలు, పానీయాలు తయారు చేసుకోవడానికి కూడా వినియోగిస్తారు. ఈ మందార పువ్వు తీపి, ఆస్ట్రిజెంట్ రుచిని కలిగి ఉంటుంది. ప్రకృతిలో లభించే చల్లని పువ్వు కూడా మందారం. మందార పువ్వును ప్రపంచవ్యాప్తంగా ఆయుర్వేదంలో మూలికా ఔషధంగా ఉపయోగిస్తారు. అలాంటి మందారంలో ఎరుపు, పసుపు, తెలుపు, నారింజ, గులాబి, లేయర్డ్ మందారం ఇలా మందారంలో అనేక రంగులు మనకు అందుబాటులో ఉన్నాయి. కానీ, ఎరుపు మందార పువ్వు మాత్రమే ఔషధ ప్రయోజనాల కోసం ఉపయోగించబడుతుందని మీకు తెలుసా..? ఎర్ర మందారం ఎన్నో రకాల ఆరోగ్య ప్రయోజనాలు, యాంటీఆక్సిడెంట్లు, ఆంథోసైనిన్లు, ఫ్లేవనాయిడ్స్ వంటి ముఖ్యమైన సమ్మేళనాలను కూడా కలిగి ఉంటుందని ఆయుర్వేద నిపుణులు చెబుతున్నారు. అవేంటో ఇక్కడ తెలుసుకుందాం..

మందార పువ్వులు పిత్తాన్ని తగ్గిస్తాయి. రక్తస్రావ నివారిణి లక్షణాలను కలిగి ఉంటాయి. మందారతో గుండె ఆరోగ్యానికి మాత్రమే కాకుండా రక్తపోటు, కొలెస్ట్రాల్, మైగ్రేన్లు, మొటిమలు, అసిడిటీ, అల్సర్లు, పైల్స్, నిద్రలేమి, మూత్రనాళ ఇన్ఫెక్షన్లు, రక్తస్రావం సమస్యలను నియంత్రించడంలో సహాయపడుతుంది. మందార పువ్వులు శారీరక ఆరోగ్యాన్ని కాపాడటమే కాకుండా చర్మ సౌందర్యానికి, జుట్టు పెరుగుదలకు తోడ్పడతాయి. మందార పువ్వులను మనం రోజూ ఆహారంలో తీసుకుంటే అద్భుత ఫలితాలను పొందవచ్చునని నిపుణులు చెబుతున్నారు. అందుకోసం మందార టీ తయారు చేసుకుని వాడొచ్చు..

* మందార టీ తయారీకి కావాల్సిన పదార్థాలు, ఉపయోగం..

– మందార పువ్వులు – 5

– నీరు – 200 మి.లీ

– టీ తయారీకి ఉపయోగించే బౌల్‌

ఒక గిన్నెలో 200మి.లీ నీళ్లలో 5 మందార పువ్వులు వేసి 2 నిమిషాలు మరిగించాలి. దానికి అవసరమైనంత మేరకు దేశీ చక్కెర కలిపి వడగట్టి తాగాలి. కావాలంటే ఎర్రటి మందార పువ్వులు ఎక్కువగా ఉన్నప్పుడు కాడలను తీసి ఎండబెట్టి డబ్బాలో నిల్వ చేసుకోవచ్చు.

రాత్రిపూట ఎక్కువ సేపు పనిచేసేవారిలో శరీరంలోని పైత్యరసాన్ని బయటకు పంపి, శరీరంలోని వేడి కారణంగా జుట్టు రాలే సమస్య ఎక్కువవుతుంది. అలాంటి వారికి హైబిస్కస్ టీ తాగడం వల్ల శరీరంలోని వేడి, పిత్తం తగ్గుతాయి.

* జుట్టు కోసం ఎర్ర మందారంతో హెయిర్ ప్యాక్..

కావాల్సిన పదార్థాలు..

– మందార పువ్వులు 5-10

– మందార ఆకులు 5-10

కొబ్బరి పాలు – 50 మి.లీ

మందార పువ్వులు, మందార ఆకులు, కొబ్బరి పాలు కలిపి మెత్తగా చేసి తలకు పట్టించి 15-20 నిమిషాలు అలాగే వదిలేయాలి. బాగా ఆరిన తర్వాత కడిగేయాలి. వారానికి ఒకసారి ఈ ప్యాక్‌ని ఉపయోగించడం వల్ల నెరిసిన జుట్టు నల్లగా మారుతుంది. జుట్టు రాలడాన్ని నివారిస్తుంది. మీ జుట్టు బలంగా, ఆరోగ్యంగా పెరుగుతుంది.

* జుట్టు కోసం ఎర్ర మందారంతో నూనె..

కావాల్సిన పదార్థాలు..

– మందార ఆకులు – 5

– మందార పువ్వులు – 10

– ఆముదం, లేదా కొబ్బరి నూనె – 250 ml

– తయారీ విధానం 250ml కొబ్బరి నూనె, ఆముదం తీసుకుని అందులో మందార ఆకులు, మందార పువ్వులు వేసి స్టవ్ మీద మరిగించాలి.

* రక్తహీనతకు మందార పానీయం..

కావాల్సిన పదార్థాలు..

– మందార పువ్వులు 20-30

– తేనె – ½ స్పూన్

ఎర్రటి మందార పువ్వులను నీడలో ఎండబెట్టి మెత్తగా రుబ్బుకోవాలి. ఈ పొడిని సీసాలో భద్రపరుచుకోండి. కొద్దిగా ఎర్ర మందార పూల పొడిని 1/2 టీస్పూన్ తేనెలో కలిపి రోజూ రెండుసార్లు తీసుకుంటే రక్తహీనత నయమవుతుంది.

మధుమేహం, నెరిసిన జుట్టు, జుట్టు రాలడం, కొలెస్ట్రాల్, బహిష్టు నొప్పి, అసిడిటీ, అధిక రక్తపోటు, ఇతర పిత్త సంబంధిత సమస్యలలో కూడా ఉపయోగపడుతుంది.